Mae Grŵp Cyrchfan Wildfox wedi penodi’r asiantaeth gyfathrebu arbenigol Copper Consultancy. Bydd Copper yn darparu datblygiad brand, strategaeth gyfathrebu a chefnogaeth i ymgysylltu â rhanddeiliaid i gefnogi tîm cyflawni cyrchfan Cwm Afan.
Gan weithio o Fryste, derbyniodd Copper y dasg o ddarparu’r lleoliad brand ar gyfer Grŵp Cyrchfannau Wildfox a’n cyrchfan gyntaf yng Nghwm Afan. Mae tîm Copper Consultancy wedi creu brand unigryw sy’n adlewyrchu treftadaeth y prosiect ynghanol Cymru.
Law yn llaw â brandio, bydd Copper yn gyfrifol am gyfathrebu, ac am ymgysylltu â rhanddeiliaid wrth i ni symud ymlaen drwy’r broses gynllunio.
Arweinir tîm Copper gan y Cyfarwyddwr Datblygu Economaidd, Ronan Cloud, gyda chefnogaeth agos yr Uwch Reolwr Cyfrifon, Joseph Price-Moore, a’r Uwch Weithredwr Cyfrifon, Sophie Pearce.
Mae’r tîm profiadol hwn yn dod â dyfnder ac ehangder profiad ar draws prosiectau mwyaf y DU yn y sector amgylchedd adeiledig gan gynnwys parc thema The London Resort, The Wave ym Mryste, a chwaraeodd ran hanfodol wrth ddatblygu Cronfa’r Trefi, dan arweiniad Adran Codi’r Gwastad, Tai a Chymunedau. Mae Copper Consultancy yn cynnal record gref o ran cyflawni prosiectau yng Nghymru, gan gynnwys Parkway Caerdydd, RWE a HyNet North West.
Yn ôl y Cyfarwyddwr Ronan Cloud: “Rydyn ni’n falch o fod yn rhan yn y fath brosiect uchelgeisiol sy’n rhoi cymuned, cynaliadwyedd ac adfywio mewn lle mor ganolog. Mae ein staff creadigol mewnol eisoes wedi darparu brand newydd ffres a chyffrous sy’n rhoi gwir ymdeimlad o werthoedd Cyrchfan Wildfox – pobl, planed a phleser. Rydyn ni wedi ymrwymo i ddarparu dull cyfathrebu ac ymgysylltu drws agored sy’n adeiladu perthynas wirioneddol ar draws partneriaid, cadwyn gyflenwi, buddsoddwyr ac aelodau cymunedol Cyrchfannau Wildfox.”
----
Am GyrchfanWildfox
Cyrchfan Cwm Afan fydd y cyntaf o’i bath yn y DU a dyma fydd y buddsoddiad unigol mwyaf mewn twristiaeth, adfywio ac adfer tirlun yng Nghymru, gan greu dros fil o swyddi adeiladu a gweithredu.
Bydd Cyrchfannau Wildfox Cwm Afan yn cynnig dihangfa sy’n llawn antur i bob oedran, i allu cymryd rhan mewn ystod o weithgareddau gan gynnwys beicio mynydd, llwybrau cerdded a beicio, ceunanta, weirenni zip, dringo, bolwdro, pwll antur i’r teulu a phrofiadau trydan oddi ar yr heol, i enwi rhai. I bobl fydd eisiau seibiant mwy hamddenol neu dipyn o hoe ac adferiad haeddiannol, bydd y gyrchfan yn cynnig sba unigryw yn ogystal â detholiad o fwytai a bariau sy’n hyrwyddo cynnyrch lleol.
Bydd modd i westeion ddewis rhwng ystod o lojys o safon uchel neu i aros yn y gwesty unigryw ac yn ein fflatiau Wildfox, a’r cyfan wedi’u lleoli yn y cwm deniadol, sy’n hawdd cyrraedd at rwydwaith y traffyrdd a’r rheilffyrdd ohono.
P’un ai os ydych chi’n gwpwl sydd eisiau dianc rhag llethdod beunyddiol, yn deulu sy’n chwilio am antur, neu’n grŵp o ffrindiau sydd eisiau creu atgofion, Cyrchfan Wildfox yw’r lle i chi.
Am Copper Consultancy
Mae Copper Consultancy yn asiantaeth gyfathrebu sy’n cynnig gwasanaeth llawn ac sy’n dod â thros 25 mlynedd o arbenigedd mewn isadeiledd a’r amgylchedd adeiledig i ddeall heriau, cynulleidfaoedd a nodau, gan helpu i arwain y ffordd ar gyfer rhai o’r prosiectau mwyaf uchelgeisiol i newid cymdeithas ledled y DU, a darparu strategaethau cyfathrebu sy’n creu argraff.
Mae gan Copper adrannau ar draws Datblygu Economaidd, Isadeiledd, Adeiladu a Chyfathrebu Strategol, ac mae gan y cwmni dîm sydd ar ei brifiant o dros 100 cydweithiwr â’u harbenigedd ymhob maes o faterion cyhoeddus, ymgyrchu, perthynas â’r wasg, cynnwys, creadigol a mwy.
Mae’u portffolio’n cynnwys prosiectau sy’n amrywio ar draws heolydd, rheilffyrdd, teithio awyr, ynni, logisteg a gwastraff ledled y DU, ar gyfer cleientiaid sy’n cynnwys adrannau llywodraeth, awdurdodau cyfun, datblygwyr preifat a’r rhan fwyaf o 20 prif gontractwr y DU. Gallwch weld eu hastudiaethau achos drwy ymweld â’u gwefan ar https://copperconsultancy.com/.